ИлҺам Шакиров ядкаре/Памяти Ильгама Шакирова, 17 ноября

О событии

Татарстанда әле мондый концертның булганы юк!
Ваһапов фондының өч легендар, көчле һәм мәдәни әһәмияткә ия булган «Ваһапов фестивале», «Яңа татар җыры» һәм «Шәрык базары» проектларын берләштерсәң нәрсә килеп чыга икән?

Җавабын беләбез - бөек җырчы Илһам Шакиров ядкаренә быгышланган гала-концерт.
Үзенең иҗаты белән ул татар җырын югары дәрәҗәгә күтәрде, шуңа да Илһам Шакировка багышланган концертның дәрәҗәсе югары булырга тиеш!

Бары тик 17 ноябрь көнне бер сәхнәдә халкыбызның затлы һәм татар моңының өлгесе булган проекты - Р.Ваһапов фестиваленең алтын тавышлы лауреатлары Рөстәм Асаев, Айгөл Сагынбаева, «Премьер» төркеме, Гөлсирин Абдуллина, Азат Абитов, Рәнис Габбазов, Рөстәм Насыйбуллин, Алмас Хөсәенов, Татьяна Ефремова, Артур Шөгәепов, Илүзә Вәлиуллова, Дамир Таипов, Динар Шәрәфетдинов, Инсаф Ганибаев , Әмиран Шамоев һәм, әлбәттә,,кабатланмас Илһам Вәлиев милләтебезнең сандугачы Илһам Шакировның җырларын башкарачаклар.

Гала-концертның икенче уникаль ягы - легендар композицияләрнең кайберәүләре «Яңа татар җыры»на хас булганча яңа, көтелмәгән һәм заманча форматта яңгыраячак.

Артистлар арасында «Шәрык базары» фестивалендә 4 ел дәвамында халык мәхәббәтен яулаган башка милләт вәкилләре дә бар! Акылбәк Пиязов, Фәрхәд Әлекбәров, Айдын Җомабаев, Реза Дезаипур. Нәкъ менә аларның кабатланмас шәрык башкаруы гала-концертка һәм Илһам Шакиров җырларына аерым ямь өстәп торачак.

Гала-концертның махсус кунагы - бөтен дөньяга танылган «Ялла» төркеме!

Аларның барысын да легендабыз - Илһам Шакировнның бөек исемен популярлаштыру берләштерә. Ел вакыйгасын күрми калмагыз! Билетлар - сатуда.